Söl'

Söl'ring

Söl'
Satelliten-Skelt fan Söl'
Weeter trinjom	Nuurđsee
Ailönen trinjom	Nuurđfriisk Ailönen
Geograafisk koordinaaten	54° 55′ N, 8° 20′ O54.9158333333338.330833333333352.5
Leengdi	35 km
Breerhair	13 km
Gurthair	99,14 km²
Hoogst Stair	Uwe-Dünem 52,5 m
Iinuuners	21.190 (12.2008) 214 Iinuu. per km²
Haupttērp	Weesterlön

12 Uuningen sen ofreten uuren fuar Aindomsuuningen tö bech.

Söl (de. Sylt, mo./ö-f. Sal, da. Sild) es dat lungst en gurtest Ailön' fan Dütsklön'. Hat liit fan Nuurđen tö Süđern weesterfuar fan di left Huk fan Sleeswig-Holstiin.

Söl es ön Dütsklön’ fuaral bikeent döör di turistisk wichtig "Kurorte" sa üs Weesterlön, Kaamp en Woningstair en uk aur di binai 40 km lung Strön ön di Weesterkant. Ön di Somer sen bit hentö 150.000 Lir üp Söl. Ark Dai kum masi Aarberers fan't hiile Nuurđfriislön me di Toch aur di Hindenburg-Dam. Me en "Stjüürkraft" fan aur 500,- € fuar ark Sölring ön't Jaar es dit Ailön mal wichtig fuar di Wertskep ön Nuurdfriislön en Sleeswig-Holstiin.

Di Gimiinden haa ön't Jaar 2010 ütreekni leten, dat twuntig Jaaren förter bluat jit ombi 10.000 Lir üp Söl uuni ken, aurdat di Hüüsinger bit hentö des Tir forkoopet uur. Jen gurt Trap üp des Wai es dit Offbreken fan tau gurt Hüüsingen me 12 Uuningen ön di Bomhoffstraat en di Steinmannstraat ön Weesterlön' (2010, biluki uk dit Skelt förter önern). Diar uur nü Uuningen becht, wat noch sa jüür forkoopet uur, dat diar ek olterfuul Sölringer hen ken.

Maaten fan 't Ailön

• 99.14 km² gurt
• 35 km lung (N tö S)
• 13 km breer (W tö U)
• Hoogst Stair: 52 Meter aur di Weeterspail ("Uwe-Düne" ön Kaamp) bi Geest
• ombi 21.000 Iinuuner (2008)

Bikeent Sölring Lir

• Jap Peter Hansen
• Christian Peter Hansen
• Boy Peter Möller
• Jens Mungard
• Peter Klint

Sölring Tērper

• Gimiindi Söl
  • Ārichsem
  • Kairem
  • Muasem
  • Munkmēsk
  • Raantem
  • Tinem
  • Weesterlön'

• Gimiindi Woningstair-Brēderep
  • Brēderep
  • Woningstair

• Ain Büürföögers
  • Hörnem
  • Kaamp
  • List

Luki uk jir

• Üüs Söl'ring Lön', dü blefst üüs helig
• Söl'ring Foriining

• Söl'ring histoori
• Biike
• Klimaänderung und Küste – Fallstudie Sylt
• Söl'ring boker

Nuurdfresk Eilunen, halgen an huuchsuner

Däänsk eilunen an halgen: Langli | Fanø | Mandø | Rømø | Jordsun | Koresun 

Sjiisk eilunen: Sal | Uthörn | Fer | Oomram | Pelwerem | Nuurdstrun | Halaglun 

Halgen: Ualun | A Nääs | A Grööd | Haabel | Hamborger Halag | A Huug | Letj Muur | Nuurderuug | Söderuug | Süüdfaal 

Huuchsuner: Nuurderuugsun | Söderuugsun | Japsun | A Kniip | Jongnaamen

---

Uun a Meldorfer Bocht an nuurden faan a Ialew:  Blauort | Helmsun | Tertius | Trischen | (Medemsun)

---

Waastfresk Eilunen – Uastfresk Eilunen